BO NADAL!

Un ano máis, os nenos e nenas da Sionlla fixeron postais de Nadal,  para felicitar as festas aos residentes da Domus Vi, situada no barrio de Pontepedriña. Ademais os máis pequenos puideron ver aos residentes por videochamada. Algúns aproveitaron para decir os agasallos que agardan recibir nas súas casas os vindeiros días e tamén lles desexaron aos residentes unhas boas festas.

No seguinte vídeo podedes ver algunhas das tarxetas que elaborou o alumnado do noso centro.

 BO NADAL!

MAGOSTO 2021

Estamos en pleno outono e iso en Galicia é igual a castañas. O pasado venres día 12 festexamos no colexio o magosto, aproveitamos para celebrar unha xornada de xogos tradicionais e para rematar comemos castañas.   

Podedes ver unhas cantas fotos na seguinte presentación. 

SAMAÍN 2021

 A continuación deixámosvos algunhas das tarefas que realizaron os alumnos do noso centro, para conmemorar o Samaín.

Bo día das LETRAS GALEGAS

«Que nunca, nunca xamais, me diga alguén que non entende de poesía. 

A poesía non se entende, síntese ou non se sinte, faise ou non se fai»

 

XELA ARIAS

XELA naceu o 4 de marzo de 1962 en Lugo, pero foi rexistrada no concello de Sarria, onde pasa os primeiros anos da súa infancia. 

Estudou infantil e primeiro de primaria no colexio de Fingoi, de Lugo. Rematou os seus estudos de primaria e bacharelato en Vigo, cidade á que foi destinado seu pai, que era mestre de primaria.

Con once anos, en quinto de primaria, gañou o concurso de contos "O FACHO", co conto co relato A fraga dos paxaros faladores e a fraga leopardicia. Este texto foi publicado polo xornal La Voz de Galicia.

Cando rematou o Bacharelato e polos seus coñecementos do galego, entrou a traballar en edicións Xerais de Galicia. Ademais Xela foi poeta, tradutora e profesora de lingua castelá e literatura en secundaria en varios institutos galegos.

Os seus libros máis coñecidos son  TIGRES COMA CABALOS e DARÍO A DIARIO, dedicado ao seu fillo.

Tamén foi tradutora ao galego de moitos libros: AS BRUXAS, de Roald Dahl, CONTOS AO TELÉFONO, de Rodari...

Polo seu traballo a prol do galego, a Real Academia Galega dedícalle o día das Letras Galegas de 2021.

Para ver máis preme na seguinte imaxe.

OS MAIOS

O inverno pasou e xa estamos no mes das flores, BENVIDO MAIO. 

Dende a Sionlla creamos varios Maios empregando, flores, xestas, fiunchos, laranxas, noces, castañas, etc que trouxeron os nenos e nenas. Ademais tamén se animaron a cantar coplas, non perdades detalle do seguinte vídeo.

DÍA DO LIBRO

Marronciña, a mascota da biblioteca propúxonos moitas tarefas para celebrar o día do libro.

Que é para ti un libro?

O libro misterioso

Troco de libros 

Ademais os nenos de 6º deseñaron uns marcapáxinas para que o alumnado do Arquitecto Casas Novoa marque o punto exacto no que detén temporalmente a lectura dos seus libros e poder regresar a ela con facilidade.

 

Este marcapáxinas foi deseñado por Hugo Viqueira Picallos 

para o alumnado de infantil, 1º e 2º. 

Este marcapáxinas foi deseñado por Mauro Torreira González

para o alumnado de 3º, 4º, 5º e 6º.

Achegámosvos un vídeo para que vexades un resumo de todas as tarefas realizadas.